粵廷軒海鮮火鍋酒家 (Closed)

呢排天氣真係好凍，最岩就係同朋友一齊打個邊爐，而我呢個九龍友就知道打邊爐一定唔可以少山林道一份。嗰到真係每隔幾間鋪就有一間火鍋店係附近，特別粵廷軒海鮮火鍋酒家之前朋友食過話真係好好味，今晚難得有機會就一於一班人去試啦。餐單內有不同款式食物選擇，非常全面。只要like facebook仲有免費野送，真係好抵。火鍋店內有多款唔同湯底選擇，朋友就叫咗個招牌養生黑松露菌皇湯底。黑松露菌皇湯底材料非常豐富，基本上你識得嘅菌類都有機會係哂入面。而且仲有額外原粒切片黑松露，令湯底更加甘香。煲滾後記得真係要飲啖湯，事關菌味濃郁非常清甜。打邊爐前我哋就叫咗大大盆法國女皇生蠔食住先啦。法國女皇生蠔，海水味香甜而不濃，肉質入口爽脆軟滑，唔錯。打邊爐最重要除咗個爐之外，其實牛肉真係唔少得。今晚就叫咗本地手切牛頸脊同埋邊抓部位。前者牛頸脊口感有咬口但不會韌，而且好重牛肉味。後者邊抓部位相當軟淋，油花比較平均。平時打邊爐都會叫鯇魚嚟食，今晚亦都不列外。今次特別在呢個招牌脆肉鯇魚圈，事先已切去鯇魚肉，只保留鯇魚皮同脂肪。令食果陣會全面感受到鯇魚皮嘅爽脆，平時真係食唔到。西班牙伊比利亞黑毛豬柳，用料新鮮，食果陣有濃濃