Hami Harmony (Closed)

今晚黎到太子食晚飯，叫左一個小食，兩個主食同飲品。蟹肉芝士焗大啡菇，有少少沙律伴碟。蟹肉芝士份量好足，芝士味濃厚，大啡菇好有咬口，一齊食好夾。日本帶子黑松露什菌意大利飯，帶子鮮甜，意大利飯軟硬適中，有唔少黑松露、什菌、紫洋蔥、青瓜粒、黃椒粒同芝士。牛油汁蜆肉自家製蝦米意大利粉，意大利粉由蝦米同麵粉自家製成，同一般既意大利粉好唔同，偏硬身同鹹，幾特別同有創意。熱朱古力採用法國朱古力豆，比平時飲的香濃幼滑，整杯飲品甜度岩岩好，真材實料，正。熱鮮奶上面鋪住奶泡，飲落好暖。