Video
Read full review
2019-08-24
2185 views
呢日喺中環食完晚餐，但晚餐間餐廳嘅甜品竟然一樣都唔啱😧，所以要再搵甜品食，但喺中環真係無咩幾多甜品選擇，一係窩夫一係就雪糕，再唔係就要過西營盤或銅鑼灣果邊。尋尋覓覓，醒起不如喺openrice直接search甜品，由於我係提拉米蘇嘅粉絲，所以用佢嚟搜尋就俾我哋搵到下站去邊喇😛。置地就經過得多，但真係好少入嚟食嘢🙈，我哋有清晰目標嚟到CIAK就係食甜品，所以佢比咗籃麵包🥖我哋都不了哈哈。入到去先發現原來餐廳好大，環境幾好，有好多大檯好啱一大班人聚會，不過就比較應聲同嘈。睇完menu後，我哋決定要Semifreddo($100)同Tiramisu($140)，其實有好多其他嘢都想食👉🏻👈🏻。首先嚟嘅係Semifreddo，其實即係乜嚟嘅呢🤔，我哋google完都唔係好知，見幾特別先叫佢嚟試下。原來個字意大利文指半冷凍狀態...(冰糕?)，但見啲材料係正常大路嘢嚟嘅(wild berries, apricot emulsion(主角) & raspberry sorbetto)。到上碟喇，嘩好靚啊😍，即刻覺得果然係十分錢十分貨哈哈。中間半圓形果球就係個主角，外層有啲焦糖燒咗脆脆嘅感覺，口感似
置地就經過得多，但真係好少入嚟食嘢🙈，我哋有清晰目標嚟到CIAK就係食甜品，所以佢比咗籃麵包🥖我哋都不了哈哈。入到去先發現原來餐廳好大，環境幾好，有好多大檯好啱一大班人聚會，不過就比較應聲同嘈。睇完menu後，我哋決定要Semifreddo($100)同Tiramisu($140)，其實有好多其他嘢都想食👉🏻👈🏻。
首先嚟嘅係Semifreddo，其實即係乜嚟嘅呢🤔，我哋google完都唔係好知，見幾特別先叫佢嚟試下。原來個字意大利文指半冷凍狀態...(冰糕?)，但見啲材料係正常大路嘢嚟嘅(wild berries, apricot emulsion(主角) & raspberry sorbetto)。到上碟喇，嘩好靚啊😍，即刻覺得果然係十分錢十分貨哈哈。中間半圓形果球就係個主角，外層有啲焦糖燒咗脆脆嘅感覺，口感似燉蛋同mousse中間，但唔係燉蛋嚟因為無蛋味，而係淡淡杏霜嘅味道，唔會好甜，好好味好正😋😋😋❗️中間會混合咗啲紅莓藍莓，有唔同口感，但我覺得放返出碟可能仲好。而個🍓紅莓雪葩放埋一齊都好夾好清新，本身驚好酸但唔會。上面就有啲糖膠，而下低就係🍫朱古力餅碎，而橙色嘅伴碟就真係有橙味😂。一個甜品有咁多唔同元素得嚟又毫無違和感，又特別又靚又好食，💯💯💯滿分推介。
Semifreddo
$100
119 views
2 likes
0 comments
另一甜品就係Tiramisu，材料有lady finger sponge, coffee jelly & coffee icecream☕️。呢個造型都靚啊，但就係行沉色路線哈哈。裝住Tiramisu個杯勁肥勁大個勁深👍🏻，上面有啲圓形脆粒點綴，又帶嚟啲唔同口感。呢到食到嘅同出面最大嘅分別係有coffee jelly，估唔到加咗啲啫喱落去又幾正，多一層滑滑的。至於個味道係好味嘅，隻芝士無欺場，又滑又香；可惜嘅係我始終鍾意酒味濃啲嘅tiramisu，而呢到嘅就無咩酒味。但都無問題啦，到到有唔同特色嘛，而呢個甜品另一特色係佢個咖啡雪糕，唔係特別好味，而係特別苦😳😳😳😳😳😂。雪糕直頭有espresso咁濃，第一啖真係係完全估唔到，建議食咗啖tiramisu先食雪糕會好啲，如果唔係會太苦食唔到味😂，不過飲返啖水就解決到👍🏻。
Tiramisu
$140
115 views
0 likes
0 comments
總括嚟講，我除咗用高質同特別嚟形容啲甜品之外，都無咩其他形容詞更加貼切😍。雖然以甜品嚟講真係幾貴下，最平都要$100，而且仲要加一，但佢嘅質素絕對對得住個價錢😋，所以間唔中或者過時過節食下都ok嘅，有機會都會嚟試埋佢嘅咸食🤤。
74 views
0 likes
0 comments
Post
