滿屋日本料理 (Closed)

今日同朋友去咗滿屋食放題，飲品選擇好多，有幾個雪櫃，任飲。點食物可以起紙tick，或者出面拎。先點左刺身，有帶子、甜蝦、魚，下底有超多冰保冷，味道正正常常！壽司有我最愛的火炙壽司，三文魚同蟹棒都好好食，食到有火燒的味道。天婦羅即叫即炸，咬落仲出煙架！天婦羅蝦最好食，炸粉適中。熟食算好多，牛油粟米好味！燒物，燒菠蘿同牛舌必點，仲encore 左兩次，好夠火喉，菠蘿好甜好多汁。最後食埋雪糕，Häagen-Dazs或者movenpick，朋友揀咗movenpick 士多啤梨味，清新消滯，而Häagen-Dazs 焦糖脆餅相對係比較甜。