Video
Read full review
2015-09-12
424 views
上星期同班friend遊走旺角，無意中見到有間舖新開張，原來係食台灣嘢。門面幾吸引，見入面都坐咗唔小人，大家都有興趣入去試下！發覺間舖玩懷舊style，由門面招牌到店內裝修擺設都充滿老台灣風味，幾特別！可見店主的誠意和心思！座位都算闊落，坐得舒適！最鍾意佢嗰幅掛滿台灣景點照片牆，我同D friend逐張睇，勾起一幕幕旅遊回憶！見個餐牌都幾多款式，選擇困難症又發作！ 好彩我哋人多，可以試多幾款！先來個黃金脆薯（梅子粉），喂！正喎！外脆內軟，黃薯夠清甜，外面灑上梅子粉，微微帶點甜酸，好醒胃！最重要炸完都唔油膩，夠乾身！再嚟酥炸花枝丸，都好得！食得出唔係一般街買到的袋裝花枝丸，係好似喺台灣街頭食到嗰d咁㗎！夠香口，令人食唔停口！跟住就係木魚炸豆腐，個醬汁好正好惹味！配埋面頭d木魚片一齊食，好夾！唯一缺點係太大舊，我哋好難分嚟食，夾到爛晒。如果事先一分為四會更好！見個豆腐咁正，試埋另一款魚酥皮蛋豆腐。原來魚酥即係木魚碎，呢款味道比較清淡，可以清清味蕾。食完小食，當然要食主菜。我揀咗招牌牛肉麵，湯底幾好，我食到有藥材味，不過只係好少啫，唔會好搶。最重要d牛肉煮得夠淋，唔鞋口。朋友食肉燥飯同鹽酥雞
上星期同班friend遊走旺角，無意中見到有間舖新開張，原來係食台灣嘢。門面幾吸引，見入面都坐咗唔小人，大家都有興趣入去試下！
發覺間舖玩懷舊style，由門面招牌到店內裝修擺設都充滿老台灣風味，幾特別！可見店主的誠意和心思！座位都算闊落，坐得舒適！最鍾意佢嗰幅掛滿台灣景點照片牆，我同D friend逐張睇，勾起一幕幕旅遊回憶！
見個餐牌都幾多款式，選擇困難症又發作！ 好彩我哋人多，可以試多幾款！
先來個黃金脆薯（梅子粉），喂！正喎！外脆內軟，黃薯夠清甜，外面灑上梅子粉，微微帶點甜酸，好醒胃！最重要炸完都唔油膩，夠乾身！
再嚟酥炸花枝丸，都好得！食得出唔係一般街買到的袋裝花枝丸，係好似喺台灣街頭食到嗰d咁㗎！夠香口，令人食唔停口！
跟住就係木魚炸豆腐，個醬汁好正好惹味！配埋面頭d木魚片一齊食，好夾！唯一缺點係太大舊，我哋好難分嚟食，夾到爛晒。如果事先一分為四會更好！
見個豆腐咁正，試埋另一款魚酥皮蛋豆腐。原來魚酥即係木魚碎，呢款味道比較清淡，可以清清味蕾。
食完小食，當然要食主菜。我揀咗招牌牛肉麵，湯底幾好，我食到有藥材味，不過只係好少啫，唔會好搶。最重要d牛肉煮得夠淋，唔鞋口。
朋友食肉燥飯同鹽酥雞飯都話幾好，不過我就無影喇！
順帶一提d台式飲品都ok，唔會係好假的糖水味，應該真係用茶沖。價錢我覺得都幾抵，平過齋企外賣店，仲有得舒舒服服咁坐低！無搞錯的話，跟飯仲好似只係加$10左右添！
整體都幾有台灣風味，啱晒鍾意去台灣食小食嘅人！我都會再嚟試埋其他小食同粉麵飯！
Post
