Video
Read full review
2021-12-28
1931 views
香港呢個美食天堂經常都有好多「過江龍」進駐，之前同朋友試完fusion菜，今次想試返啲地道台灣菜～星期日約左朋友喺中環見面，我地食完tea之後，就傾計直落到夜晚。朋友話想喺「Check-in Taipei」食晚餐，我都即刻舉手讚成！😂仲記得第一次去「Check-in Taipei」係兩年前餐廳岩岩開張嘅時候，當時被店舖既裝修設計吸引而決定試菜。事隔幾年，餐廳嘅設計風格都冇咩改變，依然係播緊台灣歌手嘅音樂。最開心都係聽住周杰倫 Jay Chou嘅歌黎食台灣菜，話曬係台灣演藝圈四大天王最後既光同希望 🤣餐廳設計既餐牌有少少唔同左，不過依然囊括多款精選美食～ 有頭盤、小食、主菜、飲品等，每一道菜都非常吸引。 我同朋友先點左兩個主菜，再點左一道台灣特色小食 😍雙色鹽酥雞 $88鹽酥雞一上枱就已經香氣四溢，再配上手繪既雙色圖案，簡直係色香味俱全。黃色既醬汁係柚子蛋黃醬，而啡綠色既就係松露醬～呢道小菜真係令我地讚不絕口😍👍🏻炸雞表面既脆皮好薄身，入面既雞肉鮮嫩多汁，非常滋味。我地食既時候沾少少雙色醬，甜甜地鹹鹹地好過癮。我好中意點佢既松露醬，醬汁令炸雞更加香口惹味 😋另外，我地分別點左一碗招牌牛肉
星期日約左朋友喺中環見面，我地食完tea之後，就傾計直落到夜晚。朋友話想喺「Check-in Taipei」食晚餐，我都即刻舉手讚成！😂
仲記得第一次去「Check-in Taipei」係兩年前餐廳岩岩開張嘅時候，當時被店舖既裝修設計吸引而決定試菜。事隔幾年，餐廳嘅設計風格都冇咩改變，依然係播緊台灣歌手嘅音樂。最開心都係聽住周杰倫 Jay Chou嘅歌黎食台灣菜，話曬係台灣演藝圈四大天王最後既光同希望 🤣
餐廳設計既餐牌有少少唔同左，不過依然囊括多款精選美食～ 有頭盤、小食、主菜、飲品等，每一道菜都非常吸引。
我同朋友先點左兩個主菜，再點左一道台灣特色小食 😍
62 views
0 likes
0 comments
雙色鹽酥雞 $88
鹽酥雞一上枱就已經香氣四溢，再配上手繪既雙色圖案，簡直係色香味俱全。
黃色既醬汁係柚子蛋黃醬，而啡綠色既就係松露醬～呢道小菜真係令我地讚不絕口😍👍🏻
炸雞表面既脆皮好薄身，入面既雞肉鮮嫩多汁，非常滋味。我地食既時候沾少少雙色醬，甜甜地鹹鹹地好過癮。我好中意點佢既松露醬，醬汁令炸雞更加香口惹味 😋
另外，我地分別點左一碗招牌牛肉麵同埋一碗蔥爆牛肉麵。牛肉麵都好高質，牛肉湯濃郁得黎又帶點小清新😌每碗都有半隻糖心蛋、三片豆腐、油條、蟲草花同埋白菜。
17 views
0 likes
0 comments
蔥爆牛肉麵 $118
呢碗蔥爆牛肉麵係我點既，麵條方面我揀左刀削麵。我本身都好中意食刀削麵，因為比較有嚼頭。 呢到既刀削麵十分彈牙，軟硬適中😁 綠油油既香蔥唔單止令牛肉麵變得更香口，仲令到成碗牛肉麵非常吸睛～😍👍🏼
10 views
0 likes
0 comments
至於牛肉方面🐮，比較多係瘦肉，絕少肥膏，所以食完三塊都唔怕肥 😋 牛肉鮮嫩多汁，入口即化，香滑無比。「Check-in Taipei 」既牛肉好多都係連筋，煙韌爽口，中意食牛筋既朋友一定好滿意。
22 views
0 likes
0 comments
招牌牛肉麵 $108
朋友點左一碗招牌牛肉麵，呢道菜係Check-in Taipei 既經典菜式，我地見到好多到訪食客都必點呢款牛肉麵。朋友同樣揀左刀削麵，佢非常滿意牛肉既味道同質量，亦話啲豆腐同糖心蛋好正好好味。😋
再次覺得「Check-in Taipei」係一間有誠意既餐廳，每一道菜式都製作用心，一啲都唔馬虎，地道真實嘅台灣風味令食客彷如親臨台北一樣，好味又窩心 ☺️
Post
