五勺

Open Now

Now Closed

唔知係咪因為無得飛，最近想食日本菜團火好旺盛，係朋友介紹下去咗呢間居酒屋。餐廳大sell日本清酒，四周圍都放滿同清酒有關嘅物品及海報，除咗普通餐桌之外，仲有一排包廂（要除鞋坐果隻），餐廳keep住播日文歌，好有日本feel。 話明主打sake，一定要試下！餐廳有專員負責介紹清酒，會因應客人口味作推薦，了解後會攞兩支清酒比客人選擇，餐廳另一有趣地方係清酒份量亦可以選擇，如果想淺嚐或者試多幾隻清酒，可以揀「五勺」，大概18ml，如果想歡懷暢飲，可以選擇「一合」，大概180ml。 揀完酒就點野食，食物選擇幾豐富，特別係送酒小食。我地揀咗炸雞軟骨，份量都幾大份，配埋蛋黃醬，送酒一流！ 芝士蛋黃甲羅燒配多士，成件事好邪惡，不過可能芝士味道比較霸道，蓋過蟹嘅鮮味，但呢個配搭幾新鮮。 清酒煮蜆，蜆嘅鮮甜加上清酒嘅甜味，個湯汁變咗精華，忍唔住要飲幾啖。 另外點咗其他小食同串燒，不過相機未食就清哂。 整體餐廳非常有氣氛，店員服務亦好親切，最重要係食物質素同味道好好，食食下真係以為自己番咗「家鄉」呀! 已經心思思想再番去食。順帶一提，餐廳經常幾爆滿，先預留位會比較好。