嵐橋丼飯專門店 (Closed)

見喺香港好難用百令蚊既價錢食到咁多既海膽丼飯，除左普通去大型超級市場買既一pack海膽。趁Lunch 時段，叫左個海膽甘蝦丼。呢個lunch set有前菜，麵豉湯，沙律，餐飲。海膽方面，用加拿大海膽，食落都冇苦味，都算甜，但就冇creamy既感覺 ，不過不失。但以份量黎計，係抵食反而鐘意個飯底，一早用醬汁、芝麻、紫菜拌好，完全冇豉油出場既機會，呢個值得一讚！通常其他丼飯餐廳只係可以豉油拌飯，味道好寡。然後亦叫左個嵐橋丼，入面有中拖羅、三文魚、深海池魚、白身魚、牡丹蝦、三文魚籽、松葉蟹鉗。味道方面，牡丹蝦幾鮮甜，中拖羅都好新鮮，色澤分明，最緊要係冇筋，從冇筋已經睇得出係d高品質拖羅！最後仲有杯餐飲，大滿足。