倫哥火鍋私房菜 (Closed)

位於元朗嘅倫哥私房菜，相信住元朗嘅人一定會識，亦有唔少人慕名而來！早兩日約咗出邊嘅朋友去咗呢度食嘢，食完已經要計劃下幾時再食🙂我哋一坐低就即刻有人的招呼，問我地雞煲要咩辣，好快就有一盤熱騰騰嘅雞煲送咗過嚟，啲店員仲會不斷提醒幾時要翻一翻啲雞，同埋幾時食得！係等啲雞熟嘅期間，店員就攞咗一盤好新鮮嘅刺身俾我哋食先，有大蝦 三文魚 帶子，全部都好鮮甜。食完刺身，啲雞食得嘅時候，又放左一個煎pan同一碟嘢黎，原來係鮑魚 花膠 蒜蓉聖子，啲花膠煮得夠軟，一啜落口嗰下成日都係汁，好正！啲聖子上面鋪滿左蒜蓉，將啲蒜蓉連埋隻聖子放晒入口，雖然成日蒜味但超出色食完上面講嘅嘢，唔好以為就咁完左，隨即店員就會問你使唔使加多次雞或者轉火鍋，我哋揀咗一個牛奶豬骨鍋但走左牛奶然後店員就連埋日本海鮮、一盤頂級肥牛送左上黎，部份海鮮同埋呢種肥牛，之後加就要額外加錢，唔想加錢就要珍惜每一嚿喇！另外一提，仲有好多唔同嘅美味配料可以落單，我本人就鍾意食呢度嘅墨魚滑、魚皮、響鈴！最後想提提大家，呢度嘅嘢食真係食極都有，同埋嘢飲又係任飲，要去食嘅話要留返一個空空嘅肚去！