秀韓國餐館 (Closed)

跟兩位好同事去紅館睇黃子華talk show, 韓迷同事就話帶我地去食佢既"家鄉"菜 食飽飽先過去紅館. 可能時間尚早, 店入面只有一枱客.(仲偷聽到他們的下場目的地都係跟我地一樣, 係紅館) 小店入面只係得數張枱, 而侍應亦都話如果晏d人多, 就是迫埋一齊坐, 或者坐埋一邊. 不過今次我地有下場節目, 我相信佢地多人時, 我都已經走左.是日叫左泡菜餃子, 芝士蛋卷, 炆牛肋骨三件, 石頭窩飯. 前菜有好幾款, 有辣泡菜, 青瓜, 菠菜, 芽菜及翠玉瓜. 每一款都很好味呀!!泡菜餃子, 入面的泡菜不算太辣, 而韓式餃子不同的, 就是一隻就很大隻了, 而隻隻都很飽滿, 岩晒大食仔的我.芝士蛋卷, 暖暖甜甜的蛋卷, 挾下去, 拉出一條條半溶的芝士, 嘩!!! 都知道有幾好味啦.這個真是必點之選石頭飯沒有影相, 但這個味道, 有些似在明洞的全州食那個飯啦!!! 真係好懷念那個飯, 可以解一下相思之苦.最後登場, 是很滿足到我食牛肉的慾望的, 炆牛肋骨. 佢由一個小木桶盛載著, 附上一個夾咁一把較剪, 比我地剪開牛肋骨及大大件的紅白蘿白. 仲有少量的韓式年糕在底. 實在太太太好味啦.