Video
Read full review
2021-07-29
561 views
朋友介紹呢間燒烤好食，咁梗係要嚟試下啦。一入到嚟，寬敞座位，唔會太迫，空間感唔錯。出去兜個圈先， 燒烤嘅食物種類好多。 有海鮮包括聖子，花甲，扇貝等。其他肉類有腸仔，雞翼，串燒等。仲有蔬菜，雜菌，粟米。花多眼亂，只行一圈就知戰鬥力有限，食唔曬咁多，唯有揀啲重點主攻啦。當中嘅重點當然係蝦啦。記住拎個桶出去，加啲冰，喺水缸度自己夾蝦，鍾意食幾多就夾幾多，隻隻蝦都好大隻，新鮮生猛。呢度仲送咗一盤限定海鮮，有鮑魚扇貝， 大大隻嘅， 好好食呀。如果可以安哥就好啦。第一次唔識燒蝦唔緊要，待應行過會教我地點樣將隻蝦剪開，燒到幾多要反轉，大概點樣係熟。服務好好有心。 我地啲蝦又大隻又爽口，啖啖肉 ，食唔停口，我哋應該添咗三四桶呀。 出面仲有啲醬料好似蒜蓉，醬汁，可以自己調配，點蝦食一流。出面夾嘅海鮮，我至愛花甲，粒粒都好飽滿，清甜，正。出面仲有少少熟食同埋甜品可以自取，包括鳳爪同炸物，但我至愛泰國蝦片，脆卜卜。等待燒熟食物嘅同時，蝦片係一流間場零食 。喺另一邊兩個大雪櫃，係粒粒雪糕黎㗎，出面比較少見， 就算幾飽都一定要試一兩粒呀。順帶一提，呢度有魚生刺身任食，但可惜肚皮位置有限， 好多嘢都未試夠已經飽
一入到嚟，寬敞座位，唔會太迫，空間感唔錯。
出去兜個圈先， 燒烤嘅食物種類好多。 有海鮮包括聖子，花甲，扇貝等。其他肉類有腸仔，雞翼，串燒等。仲有蔬菜，雜菌，粟米。花多眼亂，只行一圈就知戰鬥力有限，食唔曬咁多，唯有揀啲重點主攻啦。
當中嘅重點當然係蝦啦。記住拎個桶出去，加啲冰，喺水缸度自己夾蝦，鍾意食幾多就夾幾多，隻隻蝦都好大隻，新鮮生猛。
呢度仲送咗一盤限定海鮮，有鮑魚扇貝， 大大隻嘅， 好好食呀。如果可以安哥就好啦。
第一次唔識燒蝦唔緊要，待應行過會教我地點樣將隻蝦剪開，燒到幾多要反轉，大概點樣係熟。服務好好有心。 我地啲蝦又大隻又爽口，啖啖肉 ，食唔停口，我哋應該添咗三四桶呀。 出面仲有啲醬料好似蒜蓉，醬汁，可以自己調配，點蝦食一流。
出面夾嘅海鮮，我至愛花甲，粒粒都好飽滿，清甜，正。
出面仲有少少熟食同埋甜品可以自取，包括鳳爪同炸物，但我至愛泰國蝦片，脆卜卜。等待燒熟食物嘅同時，蝦片係一流間場零食 。
喺另一邊兩個大雪櫃，係粒粒雪糕黎㗎，出面比較少見， 就算幾飽都一定要試一兩粒呀。
順帶一提，呢度有魚生刺身任食，但可惜肚皮位置有限， 好多嘢都未試夠已經飽到捧住個肚啦，唯有 留待下次再戰。
Post
