㷫烚烚 (Closed)

天氣凍冰冰，係旺角行完街想搵返啲暖笠笠嘅嘢食吓啦🥰我想食雞煲、屋企人又話想食蒸氣鍋或者羊腩煲🙄諗左好耐都唔知點好，好彩終於搵到間叫《㷫烚烚》一次過滿足哂，食齊3款菜式🤩我地成家人都食到舔舔脷啊😋🔥火焰雞煲依個雞煲簡直好似睇表演咁，店員先灒酒後點火，係係熊熊烈火下再將雞件炒香，香氣撲鼻，惹味十足，份量都好多👍🏻🔥海鮮拼盤海鮮拼盤一上枱，已經聞到好香嘅蒜蓉同海鮮香味～海鮮包括有蝦，扇貝，鮑魚，蟶子，魷魚，貴妃蚌等，啲粉絲吸哂海鮮同蒜蓉嘅味道真係超人間極品❤️🔥雙冬羊腩煲/蒙古冰羊煲今次我哋揀咗店員熱烈推介嘅蒙古冰羊煲，羊件啖啖肉，羊味濃但一啲都唔羶；湯底有蕃茄酸酸甜甜味道好開胃，仲可以加埋其喺火鍋配料享用🌟仲有手機落單及自助美食/飲品區，多款新鮮食材及小食甜品揀，真係食到攬住個肚腩仔返屋企呀～