一風堂 (朗豪坊) (Closed)

今日突然想食拉麵，12點幾在朗豪坊嘅一風堂唔算多人，唔使等位，豆釘即刻諗好食特製白丸元味，朋友就揀特製赤丸新味，但好搞笑朋友點餐時個女侍應問佢使唔使走辣，心諗白丸同赤丸分別唔係在於一個辣一個唔辣咩？！！之後侍應解答都話佢地配料一樣，只係赤丸辣... 之後豆釘同朋友雙目交接，忍唔住笑左😂😂好得意嘅侍應姐姐......特製赤丸新味特製白丸元味湯底香濃，麵條韌度剛剛好，叉燒肥瘦均勻豆釘最愛配上那隻溏心蛋，每一啖都好滿足呀！一風堂餃子雖然隻隻都細細隻咁，但賣相唔錯，表面煎得十分香脆，但肉餡略嫌太少，幸好勝在餃子煎得外脆內軟，咬落去有湯汁，總體不過不失。