尚八日式燒肉店 (Closed)

日式燒肉不嬲都係我最愛食嘅野☺️今日接個朋友放工，佢揀左間喺佢公司附近荃灣呢間燒肉店俾我，話非常好食😛原來餐廳係主打A4和牛放題，價錢都係三四百蚊，好抵食！餐廳裝修漂亮，環境闊落，燈光偏暗，店員會先上左一份刺身拼盤，甜蝦三文魚帶子海膽都有齊晒，最好食嘅當然我覺得係海膽，creamy得黎又帶出鮮味👍🏻除咗刺身拼盤之外，餐廳都會上左一份全部位嘅燒肉拼盤，仲有個牌仔指示，方便我哋記得邊款肉打邊款肉。全部都食咗一輪之後我覺得A4和牛外腿同埋前肩肉係最好食，油花最多，入口即溶。另外厚切牛舌、薄切牛舌都唔錯。食到中段都叫咗啲泡菜同埋豆腐清一清油膩感，然後繼續挑戰