至尊滿屋日本料理 (Closed)

我同女朋友差唔多個個月都會食放題，貪佢選擇夠多，大家都可以食到鍾意食嘅嘢。.🍍一打開餐牌，女朋友就叫咗成六片燒菠蘿咁多，貪佢清甜開胃，仲可以解膩。.🐑我哋仲叫咗燒紐西蘭羊鞍，呢樣都係每一次都必點。肉質軟腍，食落超級juicy。.🦐值得瘋狂encore嘅仲有天婦羅虎蝦，薄薄嘅炸粉，包着鮮甜可口嘅炸蝦，令人回味無窮。.🐟我哋亦都好鍾意食比目魚西京燒，外皮好香脆，但魚肉十分之嫩滑多汁。就算唔鍾意食魚嘅都會覺得好好食。.🐟各款壽司同雞翼都好好食，我哋都encore咗幾次。.🍶呢度嘅放題一如以往有唔同嘅飲品、甜品選擇，比較特別嘅係佢有梅酒同埋清酒飲。.🍦最後仲有一人一杯貴價雪糕，所以記得留肚食呀。