Video
Read full review
2018-01-06
174 views
趁住天氣又開始轉涼當然要同朋友去打邊爐,多人最好就係放題可以迎合每人既需要.餐廳地方夠大,枱與枱之間都唔會太迫坐得舒服.餐廳有蒸氣鍋餐同火鍋放題選擇,最後同朋友點左$248任食放題餐.4人點左刺身拼盤,而湯底就點左鍋清淡少少既蕃茄薯仔牛腩鍋. 時令刺身有3款: 三文魚,帶子同甜蝦,刺身好新鮮,色澤光鮮,三文魚好厚切食落口好滿足,帶子鮮甜無雪味. 湯底重新鮮蕃茄甜味而且好足料.環球海鮮盤一上同朋友都好驚喜,海鮮都幾多款而且望落去唔會感覺放左好耐,即叫即開,鮑魚隻隻都好大,放入鍋到滾一陣即食好爽口唔會靭,花甲乾淨無沙,好快就清晒所有海鮮.每枱包一碟手切安格斯肥牛,牛肉色澤鮮豔,肥瘦分佈均勻而且食落軟淋帶小小牛香味無雪味,厚度夠唔會一滾就散.食完海鮮,刺身,牛肉都滿足左胃一部分,開始點其他配料,點左雲呑,魚皮餃,金錢牛展,手打墨魚滑.金錢牛展入口爽脆,墨魚滑彈牙而且無咩粉味.其他整體都好滿意,用料新鮮而且食物處理得乾淨,上菜速度快,店員服務好換碟快.食完有雪糕可以拎,雪糕幾特別包裝Gelato,食左朱古力味,唔太甜朱古味濃為今餐做個完美既終結.
4人點左刺身拼盤,而湯底就點左鍋清淡少少既蕃茄薯仔牛腩鍋. 時令刺身有3款: 三文魚,帶子同甜蝦,刺身好新鮮,色澤光鮮,三文魚好厚切食落口好滿足,帶子鮮甜無雪味. 湯底重新鮮蕃茄甜味而且好足料.
環球海鮮盤一上同朋友都好驚喜,海鮮都幾多款而且望落去唔會感覺放左好耐,即叫即開,鮑魚隻隻都好大,放入鍋到滾一陣即食好爽口唔會靭,花甲乾淨無沙,好快就清晒所有海鮮.
每枱包一碟手切安格斯肥牛,牛肉色澤鮮豔,肥瘦分佈均勻而且食落軟淋帶小小牛香味無雪味,厚度夠唔會一滾就散.
食完海鮮,刺身,牛肉都滿足左胃一部分,開始點其他配料,點左雲呑,魚皮餃,金錢牛展,手打墨魚滑.金錢牛展入口爽脆,墨魚滑彈牙而且無咩粉味.其他整體都好滿意,用料新鮮而且食物處理得乾淨,上菜速度快,店員服務好換碟快.
食完有雪糕可以拎,雪糕幾特別包裝Gelato,食左朱古力味,唔太甜朱古味濃為今餐做個完美既終結.
Post
