花見月 (Closed)

科學園有好多餐廳, 有時間都會過黎食午餐, 人無咁多又可以泊車.最鍾意食日本野, 所以再黎花見月.呢度既刺身夠新鮮, 所以揀左七式魚生丼, 其他小食或者刺身亦可以追加.七式魚生有吞拿魚, 油甘魚, 三文魚, 帶子, 甜蝦等等, 集合左唔同味道既海鮮, 幾款魚刺身既油脂豐富, 入口夠嫩. 最鍾意甜蝦夠鮮甜, 彈牙, 好有蝦鮮味. 帶子亦好新鮮, 令人回味.簡單既一款魚生丼, 已經可以食到幾款唔同既新鮮味道, 確實令人滿足.