Video
Read full review
2019-07-06
101 views
呢排一時勁熱勁曬，一時落大雨，要出街做野都覺得有點辛苦。所以喺長沙灣一收工，就同拍檔搵野食。見到呢間餐廳個樣幾舒服，而且我地仲早，無乜人，所以入去醫下肚仔先～一坐低就發現要SCAN QR CODE，用自己部手機睇餐牌，呢樣野都幾新鮮。都好的，唔洗兩個人，側哂頭咁睇一本餐牌，各自睇自己的手機就可以了～而且網頁內的分類都幾清楚。餐廳仲可以容易啲改動餐牌內容～我同朋友嗌左「日本刺身帶子鮮黑松露意大利飯」同 「煙三文魚煙肉刁草忌廉扁意粉」，各自加左$20轉套餐，咁就包埋餐湯﹑餐飲同甜品。餐湯就係「忌廉甘筍湯」。個湯夠哂濃郁幼滑，入面有粒粒甘筍，仲有陣陣甘筍的清香～我最鐘意飲忌廉湯。「日本刺身帶子鮮黑松露意大利飯」一上枱時真係香到震！黑松露的味簡直係震懾我的嗅覺。一撈起佢，入面勁多芝士，好足料！食意大利飯雖然覺得有點膩，但入面爆多芝士真係好滿足！所以兩個人一齊食就岩哂！除左帶子，裡面仲有好多蘑菇同紅椒碎。蘑菇都係新鮮的，唔係罐頭，充滿香氣～ 香港人未必咁食慣意大利飯，因為佢比起我地平時食的米硬，食的時候唔好急要咬爛先好吞呀。「煙三文魚煙肉刁草忌廉扁意粉」睇落份量唔大，但食落都好大碟同飽。忌廉一樣
所以喺長沙灣一收工，就同拍檔搵野食。見到呢間餐廳個樣幾舒服，而且我地仲早，無乜人，所以入去醫下肚仔先～
一坐低就發現要SCAN QR CODE，用自己部手機睇餐牌，呢樣野都幾新鮮。都好的，唔洗兩個人，側哂頭咁睇一本餐牌，各自睇自己的手機就可以了～而且網頁內的分類都幾清楚。餐廳仲可以容易啲改動餐牌內容～
我同朋友嗌左「日本刺身帶子鮮黑松露意大利飯」同 「煙三文魚煙肉刁草忌廉扁意粉」，各自加左$20轉套餐，咁就包埋餐湯﹑餐飲同甜品。
餐湯就係「忌廉甘筍湯」。個湯夠哂濃郁幼滑，入面有粒粒甘筍，仲有陣陣甘筍的清香～我最鐘意飲忌廉湯。
「日本刺身帶子鮮黑松露意大利飯」一上枱時真係香到震！黑松露的味簡直係震懾我的嗅覺。一撈起佢，入面勁多芝士，好足料！食意大利飯雖然覺得有點膩，但入面爆多芝士真係好滿足！所以兩個人一齊食就岩哂！除左帶子，裡面仲有好多蘑菇同紅椒碎。蘑菇都係新鮮的，唔係罐頭，充滿香氣～ 香港人未必咁食慣意大利飯，因為佢比起我地平時食的米硬，食的時候唔好急要咬爛先好吞呀。
「煙三文魚煙肉刁草忌廉扁意粉」睇落份量唔大，但食落都好大碟同飽。忌廉一樣好幼滑好香濃，加埋有爆過的洋蔥同煙肉，真係好香！岩哂我呢啲中意食忌廉的人！
食完主菜就食個甜品「士多啤梨芝士蛋糕」。裡面真係有粒粒士多啤梨，芝士蛋糕夠哂實淨，好足秤，好creamy，又唔會好甜！食埋個甜品真係好滿足呀！
餐飲方面，我同朋友嗌左凍飲，都無俾飲管我地，呢度係無飲管餐廳嘛。要飲管就問店員拎。無問題啦，大家成年人，慳番啲膠，就咁飲就OK啦!
題外話，我地坐到七點幾時開始多人，仲見枱枱都叫牛肉，真係好大份好香，仲有好多薯條。但我同朋友都唔食牛肉的，就無緣啦！
煙三文魚煙肉刁草忌廉扁意粉
$118
15 views
0 likes
0 comments
日本刺身帶子鮮黑松露意大利飯
$148
6 views
0 likes
0 comments
甘筍忌廉湯
7 views
0 likes
0 comments
士多啤梨芝士蛋糕
5 views
0 likes
0 comments
Post
