早安越南 (Closed)

今次喺黃埔食嘢去咗雷霆保齡附近搵食，上到美食廣場見到佢個名幾得意就決定入去試吓了🤣午市套餐有二十款揀，價錢都算合理適中，而且加四十蚊就可以多兩款小食，非常抵食！不過嗰日唔食得太飽所以冇嗌。。。叫咗一個茄汁牛腩湯河＋凍檸檬柚子蜜，大概三四分鐘就有得食好快手！食物同飲品嘅溫度都恰到好處，上檯嘅時候已經聞到淡淡嘅茄香味🤤牛腩切開好多粒正正方方放入口非常方便，粒粒都筋肉分明，口感軟腍入口即溶，味道濃郁而唔膩口，正！河粉嘅份量啱啱好，湯底亦都食得出有淡淡嘅番茄味，不過個人認為可以茄味再濃少少～飲品方面都尚算唔錯，柚子蜜有好多就算冰塊溶咗都唔會好淡，不過檸檬得一片，多啲會感覺好啲～整體感覺非常滿足，下次再嚟會叫埋小食試吓😋