Video
Read full review
2017-07-26
1727 views
話說我每一次睇小丸子，見到小丸子食漢堡扒我就會好羨慕，因為我都好中意食啊😂所以呢有人知我好中意食，所以就帶我去食漢堡扒😊😊入到店內，莫名其妙有種去左暗啲嘅薩x亞感覺😂但呢到嘅坐位好寬闊，卡位坐4個人都唔逼。加上擺設、自助沙律bar等等都好整齊。周圍都聽到鐵板上嘅"咋咋"聲，更是期待今晚嘅主菜！香蒜牛油漢堡扒180g💰HKD158以呢個價錢黎講，我就覺得有啲貴啦，因為其實睇落真係好似好細舊，但係如果食晒成碟又會夠飽喎。配撘漢堡扒有四種醬汁可以揀，我就揀左多蜜醬，甜甜地咁同漢堡扒都幾夾。面頭有好多蒜片同旁邊亦有不少粟米粒、菜等等。呢個漢堡排嘅肉質係比較鬆散，非結實類型，好易切。而且調味做得幾好，食落亦好多肉汁，呢個份量黎講剛剛好，唔會太漏。溫泉蛋他他汁漢堡扒180g💰HKD148漢堡扒都係同一塊肉，但上面就加上一個洋蔥圈，內有一隻溫泉蛋，上而再淋上他他汁。只要一切開隻溫泉蛋，入面嘅蛋黃即刻流晒出黎！勁正！視覺效果非常好！呢個set我地要左燒肉汁配撘，個人就覺得麻麻地，同上面隻多蜜汁比，多蜜汁同漢堡扒更夾。跟餐+HKD58可以包埋自助沙律、甜品、飲品bar。種類都算有幾多，沙律幾好，但湯品就
入到店內，莫名其妙有種去左暗啲嘅薩x亞感覺😂但呢到嘅坐位好寬闊，卡位坐4個人都唔逼。加上擺設、自助沙律bar等等都好整齊。周圍都聽到鐵板上嘅"咋咋"聲，更是期待今晚嘅主菜！
香蒜牛油漢堡扒180g💰HKD158
以呢個價錢黎講，我就覺得有啲貴啦，因為其實睇落真係好似好細舊，但係如果食晒成碟又會夠飽喎。
配撘漢堡扒有四種醬汁可以揀，我就揀左多蜜醬，甜甜地咁同漢堡扒都幾夾。面頭有好多蒜片同旁邊亦有不少粟米粒、菜等等。
呢個漢堡排嘅肉質係比較鬆散，非結實類型，好易切。而且調味做得幾好，食落亦好多肉汁，呢個份量黎講剛剛好，唔會太漏。
溫泉蛋他他汁漢堡扒180g💰HKD148
漢堡扒都係同一塊肉，但上面就加上一個洋蔥圈，內有一隻溫泉蛋，上而再淋上他他汁。只要一切開隻溫泉蛋，入面嘅蛋黃即刻流晒出黎！勁正！視覺效果非常好！
呢個set我地要左燒肉汁配撘，個人就覺得麻麻地，同上面隻多蜜汁比，多蜜汁同漢堡扒更夾。
跟餐+HKD58可以包埋自助沙律、甜品、飲品bar。種類都算有幾多，沙律幾好，但湯品就一般。個人覺得呢個自助set都有點兒貴。
不過可能係因為我地叫左漢堡扒加薯條，食完已經好飽，所以去半自助buffet食嘅野就唔算多。
黑松露忌廉薯條💰HKD48$
除左漢堡扒，貪心嘅我地仲叫左呢一份薯條。真係勁大兜！佢哋係用比較幼啲嘅薯條，上面鋪左用黑松露油既沙律醬汁，再加上巴馬臣芝士碎，真係食到停唔到口！超級好味！
留意番一定要兩個人一齊分享，因為如果一人一個普通漢堡扒，再加埋呢兜薯條就真係會飽到上心口😂
整體上黎講，個人覺得食物定價有啲貴，但喺銅鑼灣開舖我覺得價錢又不可以要求太多。食物方便漢堡扒同小食質素都十分不錯，絕對能滿足中意食漢堡排嘅人。而環境方面，整體上都係十分整潔舒適。服務方面，店員都幾有耐性，服務態度不錯，亦欣賞店內不少細節位。不過要食就襯早，倘若七點幾鐘黎，門口都有唔少人排隊等入坐啊。
Post
