至尊滿屋日本料理 (Closed)

好耐冇食放題，約咗個朋友喺瓊華呢間試試佢。呢度嘅刺身選擇都幾多，叫咗甜蝦、油金魚、帶子、翡翠螺三文魚、松葉蟹棒、玉子，各款刺身都好新鮮。特別推介帶子，味道鮮甜。辣味三文魚係我嘅至愛，細細舊燴花膠，睇到都覺得有滿滿嘅骨膠原，女仔食最啱。牛舌燒得唔錯，有咬口但係又唔會太un 天婦羅炸得幾薄，唔會好厚粉，同埋食落熱辣辣，最怕食炸嘢係凍冰冰。芝麻雞翼炸得好香脆，算幾厚肉，不嬲都係放題必食，隔離嘅蟹蓋就麻麻哋，冇乜肉。特別介紹嘅係呢度有燒酒任飲，仲有一啲自家製嘅特色飲品。最美用Häagen-Dazs作為一個完美嘅句號❤️