hoo韓國包車

Open Now

Now Closed

店舖裝修氣氛確係似令你身在韓國，燈光紅藍色非常獨特，打卡會有啲影響，好彩這次坐喺邊位，紅藍色燈照得少啲，啲食物相還可以。店舖不大但坐得舒服，服務員態度非常好，非常幫得手，食物種類唔少，梳打飲品都有多款味揀，價錢合理，讚。-🌹卜卜脆炒豬軟骨拳頭飯喜歡其他國家嘅食物係因為欣賞他們用不同方法煮相同嘅食材，這個普通嘅豬軟骨切到小小一條，每一條炒到又香又真係卜卜脆，味道又可口，感覺就好似第一次食豬軟骨咁，原來豬軟骨可以咁好食。嗰拳頭飯好似日本壽司，好似唔係好夾，唔明點解有這個，不過有它整個菜嘅賣相又靚咗。整體嚟講係正嘅，所以都標係栢招牌菜，讚。-🌹泡菜炒五花肉拼豆腐有泡菜就會辣，但這個可能迎合香港人口味，味道只係微辣，這裏嘅五花肉係一半肥一半瘦，肥部份唔覺肥膩，豆腐就普通咁煎，但小編整份菜份量有點多，最後食唔晒。-🌹薯仔煎餅這個煎餅煎得好香，但又唔覺好重薯仔味，口感香脆蓋過其他，加上嗰餅都幾薄份量唔大，唔覺膩，讚。-🌹荔枝梳打味道可以，只係冰多咗少少。