芽莊越式料理

Open Now

Now Closed

喺MOKO行行吓有啲肚餓，就去芽莊唞一唞。🐂河內生牛肉粉⭐️⭐️⭐️⭐️湯底唔錯，九層塔同洋蔥份量都多，所以成碗湯都幾香。牛肉份量都算多，幾爽口。整體屬於預期水平。（賣相唔特別，又行到太攰，忘了影相🫡）🐖濱海伴慢煮五花腩⭐️⭐️⭐️⭐️⭐️呢碟好有驚喜，大推介。豬腩肉半肥瘦，燒得好香。面頭少少焦脆，中間保留到肉汁，中和肥膏部份。肉質嫩滑，睇返Menu，原來係用純素穀飼豬腩，唔怪得咁好食。雖然有啲邪惡，但我真係會為呢度菜再返嚟。濱海，已經分開了一楷楷，食落幾方便，又唔太油膩，配合埋爆香咗嘅蔥、蒜、蔥油花生，滋味啊！佢越南香葉菜都唔少，夾埋豬腩肉、濱海一齊食，清新得來好滋味，香、脆、爽、綿結合，超正。