一喜日本料理

Open Now

Now Closed

抗疫時期盡量減少外出，但如果要食飯就一定要撐黃色經濟圈。今日尖沙咀其實都唔算多人，去餐廳食飯嘅其實更少，所以幫到就幫。今日試呢間黃店要大大力推介(不是打手)，食物質素高，擺盤精緻，環境雅緻，服務周到，價錢合理，店員十分有良知。一進去，店員就附上一張紙，用黎包住口罩。過了不久，加洲卷送到，並附上沙律醬。之後醬燒茄子就到，木魚絲加醬汁好好味。然後叉燒烏冬到左，很大一份。叉燒有咬口，同埋味道香濃，少少肥肉但好好食。最想試的京都醬油牛肉鍋到左，第一啖食落好好味，牛肉好香，豆腐超有豆味，好多菜唔怕膩，仲有啲粉喺個底。真係好有驚喜又好滿足的一餐。