Bien Bistro (Closed)

同男友喺荃新天地閒逛完準備醫肚，轉角見到呢家好cozy嘅西餐廳，一於試下！呢味焗田螺、野菌薯皮，配搭較平時食開嘅茄汁芝士餡特別，田螺唔使用叉挑嚟食，佢同野菌都切到一粒粒釀入個薯皮度，然後好rich嘅咖哩汁封滿啲餡，連薯皮食落去嘅感覺好濃郁，好豐富。再嚟個東方辣椒大蝦意粉，扁意粉炒至乾身煙靭，而且充滿九層搭嘅味道，好香！另一個主菜係店內嘅招牌 - 亞洲特色拼盤。鐵盤上嘅三角錐型飯相當吸睛，香料黃米飯炒到粒粒分明，加埋紅椒粒、提子提起甜味，加上啲飯有少少油香，不俗！旁邊仲有好多值得幾試嘅配料，有中東牛肉丸、炸蠔、辣雞、咖哩鷹豆，滿口都係東方特色味道！嚟到甜品時間，食到我最愛嘅brownies! 果仁加入去朱古力嘅brownies, 感覺唔會太甜。甜品嘅中間位置較軟身，做到了應有嘅質感，加上雲呢拿雪糕，完全係完美組合！而我男友就嗌咗杯Oreo沙冰，有朱古力同oreo嘅味道，唔會一味食到冰嘅冷藏味，呢個都值得推推！