湘聚小廚

Open Now

Now Closed

今日朋友帶我去食湘菜，係小街入面，無人帶真心唔會搵到。一入店鋪，鋪面唔算好大，光線偏橙色調，有温暖居家的感覺，枱凳十都係簡簡單單，以樸實為主。剛坐低就送上兩個小食，炸花生和海帶絲。炸花生十分香脆，再溝埋鹽、砂糖，甜甜地咸咸地，食唔停口。海帶絲就少少辣又爽口，開胃。罈子豬手 - 首先會被輕微的醋香所吸引，醋香開胃而不會讓人感到刺鼻，加入少少辣味令人食指大動。另外豬手的肉質與醬汁完美結合，煮既時間足夠，入口即化的骨膠原令滿足。茄子角豆 - 揀左個比較少見既蔬菜，廚師用豬腩肉炒香去，已經好惹味，茄子再吸收晒精華，夾埋角豆一齊食好有口感，重有長青椒帶少少辣，濃味得黎又好好食。奶香卷⭐️誠意推介，食湘菜必須配主食，所以奶香卷係必須點，近似饅頭，但廚師將麵團拉到一絲絲，再捲成一個球體去蒸，小店蒸得特別柔軟細膩，又有小小奶香，配餸食一流👍🏻而且小店所有食物都熱辣辣上枱，影相時都感受到其熱煙。今次朋友無介紹錯，可以試到正宗湖南菜。