倪姐泰國美食 (Closed)

今次真係比個bad依間餐廳。先嚟係依個蒜蓉包。本身熱辣辣脆卜卜。諗住等埋個咖哩先食。點知等呀等等呀等。。。上咗串燒先。其中一串豬唔熟囉。食到木晒咀。不可原諒。最後補返兩串補數。不過沙嗲汁極少。又無乜味。啲肉啲味都怪怪哋食完就繼續等咖哩同金邊粉。催完佢就。。。等呀等。等呀等。。。。再等。店員見到都好心幫手再催。繼續等。一等再等。等。寂寞到夜深。Zzz zzz。。成個鐘之後終於上映一幕咖哩之邂逅。咖哩係好食嘅。點包食一流。可惜包已凍又無乜蒜蓉味。最後係千夫萬喚始出來嘅金邊粉。好大碟。都幾好食。可惜得到只有劣評沒有半粒星