Video
Read full review
2020-11-08
17 views
今日出開中環整啲野，順便覓食。邊個話一個人一定係頹食? 我覓食有幾個基本條件﹕1.唔要連鎖，最好小店2.坐得舒適自在3.有新鮮感問左幾個朋友，最後決定黎呢間Munchies 試下。間舖位置有啲偏，店內座位唔多，主要做外賣。全店飲品標榜低卡、天然，產自美國。Menu 得兩頁，飲品已佔了其中一頁。主食係不同口味既chicken sando (即炸雞漢堡)，小食有格格薯、炸雞粒、雞翼、沙津等。套餐主食+飲品$88，主食+格格薯 (可轉配其他小食) +飲品 $98。價格親民。食物質素﹕我點左個$98餐﹕Truffle Mayo chicken sando + Southern wings + Gooseberry MatchaTruffle Mayo chicken sando: 個包好鬆軟，亦唔會吸左啲汁變太軟，讚! 炸雞係類似吉列，係乾身脆皮，冇滲油。雞扒juicy 厚肉，正! 配埋淡淡松露香既醬汁及椰菜絲，好滿足~Southern wings: 有5隻，但細細隻唔怕食唔晒。食唔出咩味，鹹鹹甜甜咁，一般冇特別驚喜。Sweet Buffalo 可能啱我多啲，可惜當日賣晒。Gooseberry
1.唔要連鎖，最好小店
2.坐得舒適自在
3.有新鮮感
問左幾個朋友，最後決定黎呢間Munchies 試下。間舖位置有啲偏，店內座位唔多，主要做外賣。全店飲品標榜低卡、天然，產自美國。Menu 得兩頁，飲品已佔了其中一頁。
主食係不同口味既chicken sando (即炸雞漢堡)，小食有格格薯、炸雞粒、雞翼、沙津等。套餐主食+飲品$88，主食+格格薯 (可轉配其他小食) +飲品 $98。價格親民。
食物質素﹕
我點左個$98餐﹕Truffle Mayo chicken sando + Southern wings + Gooseberry Matcha
Truffle Mayo chicken sando: 個包好鬆軟，亦唔會吸左啲汁變太軟，讚! 炸雞係類似吉列，係乾身脆皮，冇滲油。雞扒juicy 厚肉，正! 配埋淡淡松露香既醬汁及椰菜絲，好滿足~
Southern wings: 有5隻，但細細隻唔怕食唔晒。食唔出咩味，鹹鹹甜甜咁，一般冇特別驚喜。Sweet Buffalo 可能啱我多啲，可惜當日賣晒。
Gooseberry Matcha: 酸酸地唔太甜既果香味，配埋抺茶好夾，仲可清除食完炸野既熱氣感覺。單點一杯飲品都只係$36，比起黑糖珍珠乜乜乜CP 值高太多了，又健康又好飲。
服務﹕
店員會親切細心講解Menu 及推介特色食品。店內有wireless charger, 紙巾、手套、濕紙巾，好貼心。尤其而家疫情下，有手套同消毒濕紙巾，食起漢堡上黎都會放心啲 (雖煞唔環保)。
總括黎講，Munchies 完全符合我以上提到既條件，仲超出我期待添。非常滿足，勁推佢地既低卡飲品，小店值得支持，一定會再返黎食，如果有牛肉漢堡就更好。
Post
