波士冰室 (Closed)

聖誕快樂！ 聖誕節度度都好多人， 但係冰室反而好多位，我同啲朋友唔想等咁耐，所以入咗波士冰室。佢餐牌有幾款，呢個蛋包飯餐就吸引左我，圖又靚，又包野飲。佢有燒汁，咖哩汁，同芝士汁揀，問過姐姐話芝士汁好重味，我雖然鍾意但都有啲驚，所以都係普通燒汁就算了 😂 芝士達人朋友可以試下個汁，然後分享返 😎黎到個樣真係超靚！蛋有木魚鋪面，蛋同飯中間仲有日本果隻撈飯既紫菜芝麻，好惹味。雞扒唔算大份，但都夠食，同埋煎得好脆。熱朱古力勁香，雖然都係沖粉，但咁凍既天氣飲返杯真係好岩飲。仲係用木棍唔係膠，少環保唔錯。