武士拉麵 (Closed)

過九灣入展貿 ，最快地鐵穿梭巴，話說我哋走觀塘繞道對面落車，行過隧道就到九龍灣展貿，快過地鐵。門面寬敞 一望就知道，日本味道嘅拉麵都撲鼻而來啊!內堂佈置至，最爽就係布簾，好似人潮一浪接一浪。餐牌睇落一麵一飲，人均百元。武士嘛！點都擺放武士刀做壓場。九州地獄拉麵 上餐時見到紅當當，畀佢嚇到嚇咗一跳 ，以為好難入口，好彩還可以，味道都是一般日本拉麵好味，無失水準。德川豬骨拉麵 原來麵底係一樣，係湯料唔同，呢款拉麵冇失水準。忌廉蟹肉薯餅 切開以為唔熟 ，睇睇個招牌原來係忌廉，所以有少少流質感，食落口好正，呢款小食值得再食。日式煎餃子 皮薄餡靚，一口一個，加少少豉油，正正正!武士蜜蜜飲我要生薑，朋友飲柑桔，味道不同但有好不，生薑味重入口微棘，柑桔微酸，各有粉絲!