Mamaday (Moved) New Location

同友人來到Mamaday食午餐，餐廳裝潢同菜名都別具一格，美食賣相和味道都滿分，難怪大受歡迎。 有蟹GO又有蟹肉的蟹蟹蟹意大利扁麵 $128一聽個名都估到應該好多蟹料，如我所想好多蟹肉、蟹膏、蟹籽及蟹柳，仲有兩隻小蟹鉗。醬汁夠creamy，連埋西芹及紅辣椒等配料，帶出絲絲辣味，味道一流。 唔好抱甘大期望蒲燒鰻魚蛋包飯 $124鰻魚肥大肉厚無碎骨，蛋熟度適中，飯粒圓潤粒粒分明，加埋鰻魚汁、紫菜碎同木魚絲無得輸呀，下次要+$28升級原條鰻魚先。 豆腐豆腐豆腐咖啡 $56豆腐雪糕配上濃郁咖啡出奇地夾，有綿滑口感，仲有糖漿供自行調味，十分推薦。