潮洲滷 (Closed)

滷水店位於灣仔街市，見到唔少街坊都會黎排隊幫襯，頗受歡迎！雖然店舖唔大，但售買既種類都好多，而且師傅斬件非常爽手，自己揀下邊件靚先要都得👍🏻👍🏻整體滷水都做得好入味，用上其獨家配方滷製，比較清香不油膩，非常下飯！而老闆另外有比多一包滷水汁去拈，實在係平價高質!滷水鴨 （$65/半隻）- 肉質細嫩而脂肪均勻地分佈，食落口既鴨香同滷水汁相互平衡，味道鮮香，令人齒頰留香😋滷水雞翼@4 $26 - 經滷水浸過既雞翼更加嫩滑💯滷水豆腐@4 $40 - 豆腐超大件，素食朋友都可以一嘗滷水滋味👍🏻