樂園潮州粉麵

Open Now

Now Closed

美孚區如果想打冷，好彩都仲有呢一間。今日同爸爸到呢間小菜館打冷，爸爸最鍾意食嘅係佢嘅橙色墨魚🦑，貪佢夠彈牙，我就係叫咗魚蛋河，魚蛋彈牙，河粉夠滑，再嗌左個煎蠔餅, 蠔餅入面有好多蠔仔，非常足料，啖啖香脆，食完一個都已經飽咗八成。不過我哋都好鍾意食蠔仔嘢，所以再叫多個蠔仔肉碎泡飯，同樣係咁多豪仔，細細粒加埋菜譜同芫荽，又香又惹味。不過衛生方面認真麻麻，個地下油粒粒，食完行出店舖個鞋底黐粒粒，一路食一路有蚊之仔周圍飛。希望店舖搞搞衛生之後，生意蒸蒸日上。