Nun Desserts Cafe

Open Now

Now Closed

天氣悶熱，好想食番啲超級凍野加甜品，為左跟上潮流，除左煲韓劇食炸雞，當然唔小得韓風甜品。淨係企係門口睇已經好解暑了好多款式，甜又有咸又有，任君選擇。店舖爆滿客人，好熱鬧，一人一份，枱面滿滿都是甜品。先泥杯冰凍既荔枝沙冰解左渴先再慢慢揀甜品，不會太甜，清清地，口感清新，超解暑，而且飲落都幾大杯，好似飲極都飲唔哂夏天寧舍鍾意食瓜類，本來係芒果迷既我，今次轉轉口味試下蜜瓜口味先。先食左蜜瓜同雪糕，之後會方便啲落錬奶撈泥食，雪本身用左奶去打出泥，所以已帶點奶香味，再加埋錬奶一齊食就更甜美。蜜瓜味芳香濃郁，口感清甜，而且雪奶入口即溶，簡直幫你消暑解溫，飲左荔枝沙冰，再泥個雪奶，感覺好似去左韓國既凍天雪地咁，正正之前食果間台式連鎖店既雪糕吐司，好多層包，食到好飽，太過飽濟，我反而喜歡呢個，一層就好足夠，而且超多士多啤梨果肉，啖啖果肉，吐司加左牛油焗完好香好脆，撈埋個士多啤梨雪糕一齊食，又香又滑，甜甜地，口感滿分！個推廣仲好正，打咭有韓式軟雪糕送，消費滿$100就食到😍，超正！