潮福蒸氣石鍋 (Closed)

今日男友帶我去食好東西慶祝我地考法文試過關！尖沙咀厚福街就好似一條食街，食店林立中西日韓甜品小食樣樣都有！蒸氣鍋近哩一兩年好hit 聽就聽得多，試就真係第一次！潮福不同地區都有分店尖沙咀厚福街哩間近排重新裝潢過好光好企理，環境好寬落兩個人被安排卡位，每張枱旁都有個小工作枱放食物，唔會擺到成枱都係織籠蒸鍋好特別一坐底就揀左燉湯潤一潤姫崧茸燉螺肉大大粒螺肉，雖然係送嘅，但係都好足料必食粥底揀左瑤柱鮮淮山粥粥底會吸收哂各種食材嘅精華諗起都流哂口水脆皮乳鴨，貝殼盛盒，生猛龍蝦都係送嘅！海鮮就自選四款龍蝦同鮑魚夠彈口，貝殼類有海水味夠哂新鮮桶蠔估佢唔到咁大隻，入口爽口食完海鮮類到任食系列有雞，豬頸肉，和牛肉，和牛粒，手打肉丸蟲草花蒸雞好滑，和牛肉用蒸好食過打邊爐！牛味更突出！推介手打蝦丸！Encore左兩轉馬拉糕（最愛！）第一次食蒸鍋大滿足！！仲有任飲蔗水，啤酒，汽水，侍應姐姐好主動幫我地蒸哂啲嘢，完全係坐係度等食就得蒸比打邊爐更鮮味，感覺更健康！