Wilbur's (Closed)

Wilbur's 已經開業幾個月了、裝修是近年時興的紐約餐廳設計。午餐簡單，但是有內涵，頭盤，主菜及甜品都包括了！主菜亦以近年流行的高級漢堡包為主。主食有牛肉漢堡、雞肉漢堡、咖哩牛肉、意粉等。今日當然為了食漢堡而來，當然點了一份雞肉漢堡飽作為主食、頭盤唔想飲湯、就點了煙三文魚沙律，甜品冇得選擇。煙三文魚沙律賣相簡單、勝在夠新鮮、菜入口卜卜脆响、煙三文魚魚油夠。雞扒漢堡份量十足，用一大個木盤做碟、有睇頭！雞扒是吉列煮法、外面香脆切開雞肉鮮嫩，其實要一大啖咬個漢堡包都有難度，因為配料足、所以成個漢堡包做得好厚身。炸薯條是用粗身有皮薯仔炸成、好熱氣！當然好味道。甜品是極度甜的焦糖片"caramel slice"，用了朱古力、牛油、糖膠所煮成。自己極怕食超甜甜品，食了一啖立即放棄！餐廳今日勁爆，唔係經理關照都冇得食。下次一定要試下其他主菜！