Video
Read full review
2021-05-09
179 views
尋日終於第一次食安平燒肉, 啲同事 同 朋友推介過好多次, 終於係安平社交平台 專頁book到位食啦, 仲要book到星期六 可以就埋同老婆一齊放假👍😁果然冇介紹錯！首先講吓啲職員先，個個都好有禮貌同好殷勤，一坐低就已經講解點餐流程、醬料詳情、做會員既優惠等等......之後講下啲嘢食先, 因為同老婆都係牛魔王, 所以order親9成都係牛😂 啲澳洲M5和牛入口即溶, 認真不得了！小弟覺得最出色既就係果條牛舌條, 好有口感之餘食落又唔會有膻味！🤤跟住就到啲虎蝦, 隻隻都大大隻啲肉都好有彈性, 食落就知新鮮👍最後要講下個雞泡魚乾, 呢個真係食唔停, 又係好食到不得了, 燒左一陣就已經聞到一陣陣既香味撲埋個鼻度🥸整體黎講: 價錢不算太貴, 又食到呢啲質素嘅野食, 都算唔錯👍P.S. 即場做會員仲有9折優惠，DBS信用卡係5月30號前，逢星期六同星期日堂食仲要有優惠，惠顧滿600蚊或以上，再有10%折扣優惠（要自己係DBS個App度㩒「一扣即享」，所以最後埋單係9折再9折😏
首先講吓啲職員先，個個都好有禮貌同好殷勤，一坐低就已經講解點餐流程、醬料詳情、做會員既優惠等等......
之後講下啲嘢食先, 因為同老婆都係牛魔王, 所以order親9成都係牛😂 啲澳洲M5和牛入口即溶, 認真不得了！小弟覺得最出色既就係果條牛舌條, 好有口感之餘食落又唔會有膻味！🤤
跟住就到啲虎蝦, 隻隻都大大隻啲肉都好有彈性, 食落就知新鮮👍
最後要講下個雞泡魚乾, 呢個真係食唔停, 又係好食到不得了, 燒左一陣就已經聞到一陣陣既香味撲埋個鼻度🥸
整體黎講: 價錢不算太貴, 又食到呢啲質素嘅野食, 都算唔錯👍
P.S. 即場做會員仲有9折優惠，DBS信用卡係5月30號前，逢星期六同星期日堂食仲要有優惠，惠顧滿600蚊或以上，再有10%折扣優惠（要自己係DBS個App度㩒「一扣即享」，所以最後埋單係9折再9折😏
澳洲M5和牛
28 views
0 likes
0 comments
虎蝦
6 views
0 likes
0 comments
雞泡魚干
9 views
0 likes
0 comments
牛舌條
3 views
0 likes
0 comments
Post
