六十六十火鍋 (Closed)

三種不同價錢的湯底，椰子雞湯底、番茄濃湯底、粥底，我同友人揀左椰子雞湯底~首先可以選擇八款海鮮，我地揀左高人氣的肉蟹、扇貝、聖子、兩款貝類、海蝦、刀貝及花甲。然後再自選六款配菜，包括美國肥牛、生菜、花膠仔、響鈴、蘿蔔、手打墨魚丸。另外店舖枱面有QR Code，掃一下就可以睇到每一種海鮮既烹調時間、食法，非常細心！我想講個椰子雞湯底真係好清甜好好飲，裏面既竹笙都超級爽甜，其實本身見到有d食客係粥底已經搞到我心思思，但我好開心最後揀左呢個湯底！仲有一碟雞放落湯底，變相係多左一款配料hehe落單無幾耐已經開始上海鮮，二話不説即刻落肉蟹、貝類同海蝦。肉蟹真係好正!!!啖啖肉，蟹膏好香好鮮味，海蝦好爽口彈牙，搞笑既係上枱時仲係好生猛咁跳緊，我地一齊嚇一嚇HAHA扇貝同刀貝都好大份好鮮甜，值得一讚係所有貝類都清洗得好乾淨，我係食唔到有沙既~食到咁上下店員再上其餘六款配菜，海鮮將本身的椰子雞湯底變得更加鮮甜，所以食生菜同蘿蔔時係特別入味，盡吸湯底精華。肥牛正正常常，特別想推介手打墨魚丸，細細粒好易入口，唔知係咪加左d墨魚咀，食落係好有咬口，花膠仔亦好林好入味。呢個價錢有呢個分量既海鮮、配菜同呢個質素