順景茶餐廳 (Closed)

$61焗雞扒飯 +凍奶茶個飯幾正，啲雞好食仲切哂一件件唔洗自己切。個外賣盒設計都唔錯，好過傳統焗飯嗰啲用張硬紙 。佢用膠蓋令到啲倒汗水唔會滴番落個飯度、食嗰陣仲可以用嚟放啲餸，美中不足係份量唔係好多，啲雞唔夠脆皮 。奶茶都唔錯，可以再滑啲。$54 豆腐火腩 /豆腐魚腩飯豆腐係炸過果種，配上蠔油汁一流。魚腩非常大件，皮薄魚肉多，唔係皮好厚炸到好硬果種。火腩係重點，肥豬肉同瘦肉比例5050，可以啖啖肉，而皮又唔會太韌。外賣熱檸檬水已體貼地落左糖。