覓炙 (Closed)

今日行完書展，腳仔都軟，攞住一大袋書搵地方食晚飯，朋友話想食韓燒，發現洛克道近地鐵站有間唔錯，就呢間喇餐廳位於酒店內，環境幾高級，座位很舒適,店員遞上餐牌介紹點完菜就等食先送上嘅係六小碟，這是我食過最好味嘅韓式前菜，泡菜，豆角，大豆芽，小魚乾，蓮藕，蘿蔔，小魚乾味道超正。韓式大蔥沙律，沙律菜加上韓式大蔥，配芝麻醬食，味道很清新飲品叫左一罐韓國Bite pale larger啤酒比我朋友,我因為要揸車，所以叫左杯柚子茶，啤酒唔錯，有少許麥味，柚子茶都幾濃味。三種肉類一齊送上放晒上燒烤板了原味護心肉，店員解釋是特別嫰滑嘅部位，很罕有，食落果然無介紹錯，牛味極濃但完全唔韌，烤到微燶之下，惹味到震春川雞柳，雞柳很大條，肉地夠厚，店員介紹是韓國入口的。韓味香蔥西冷卷，厚厚西冷牛扒捲著韓式香蔥，味道非常夾，牛扒燒到半熟，油脂慢慢慘出，朋友話夠juicy總結這間韓式餐廳走中價路線，食物質素好之外，餐廳環境亦很好，灣仔區好去處。