Video
Read full review
2024-06-06
55 views
今日去咗灣仔利東街附近一間叫「卓鮨」嘅日式廚師發辦餐廳食晚飯，見到有個超抵食嘅晚市套餐，只需$688就可以食到有14貫壽司連前菜、麵食同甜品，梗係要試試佢！餐廳食材用料新鮮，日式裝潢舒服雅致，師傅熱情好客，主動同客人進行互動，令到成餐飯嘅用餐體驗都非常好，推介各位朋友嚟呢一間餐廳食omakase!🍊 茶碗蒸配沢蟹茶碗蒸用咗新鮮海苔，蒸蛋口感順滑，沢蟹尺寸十分迷你，咬落去脆口而且可以成隻連腳食，咬開一半明顯見到入面嘅蟹膏，食落去嘅味道比軟殼蟹濃郁十倍 🍊 真鯛真鯛即係赤鱲魚，味道清淡，師傅用純熟嘅刀工喺魚片𠝹痕，令青檸同醋嘅味道可以滲入去魚身，配上可食用嘅紫蘇花花蕊作點綴🍊深海池魚深海池魚味道清淡，質地纖細柔軟，口感順滑鮮甜🍊 地金目鯛地金目鯛係金目鯛入面嘅最高等級，油脂同味道係豐富，肉質细腻，炙燒過後嘅油份好重🍊北海道帆立貝帆立貝肉質結實鮮甜，師傅用輕巧嘅刀工喺帆立貝表面𠝹上刀痕，令豉油同青檸汁可以滲入帆立貝內，表面灑上竹炭鹽，同其他岩鹽比無咁鹹🍊 間八間八係一種時令食物，屬於大型鰤魚，口感香醇濃郁，肥而不膩🍊 大拖羅大拖羅嘅肉身顏色粉緻，屬於魚鮫對落嘅部位，入口即溶，油脂甘香，師傅仲
🍊 茶碗蒸配沢蟹
茶碗蒸用咗新鮮海苔，蒸蛋口感順滑，沢蟹尺寸十分迷你，咬落去脆口而且可以成隻連腳食，咬開一半明顯見到入面嘅蟹膏，食落去嘅味道比軟殼蟹濃郁十倍
🍊 真鯛
真鯛即係赤鱲魚，味道清淡，師傅用純熟嘅刀工喺魚片𠝹痕，令青檸同醋嘅味道可以滲入去魚身，配上可食用嘅紫蘇花花蕊作點綴
🍊深海池魚
深海池魚味道清淡，質地纖細柔軟，口感順滑鮮甜
🍊 地金目鯛
地金目鯛係金目鯛入面嘅最高等級，油脂同味道係豐富，肉質细腻，炙燒過後嘅油份好重
🍊北海道帆立貝
帆立貝肉質結實鮮甜，師傅用輕巧嘅刀工喺帆立貝表面𠝹上刀痕，令豉油同青檸汁可以滲入帆立貝內，表面灑上竹炭鹽，同其他岩鹽比無咁鹹
🍊 間八
間八係一種時令食物，屬於大型鰤魚，口感香醇濃郁，肥而不膩
🍊 大拖羅
大拖羅嘅肉身顏色粉緻，屬於魚鮫對落嘅部位，入口即溶，油脂甘香，師傅仲會將拖羅嘅筋分離再炙燒，大拖羅肉配合燒過嘅拖羅筋，口感豐富而香氣撲鼻
🍊 鰆魚
鰆魚係馬鮫魚嘅一種，擁有豐厚嘅皮下脂肪，所以魚肉肥美，炙燒過後嘅油脂充滿香氣，配上白蘿蔔蓉中和油膩感
🍊 梭子魚
梭子魚係一種時令食材，秋天捕獲嘅梳子魚有更高油脂含量，食落油脂感比較豐富；而春天捕獲嘅梭子魚嘅肉質較為清淡柔嫩，炙燒過後嘅魚油加上昆布點綴，而魚皮亦都燒得又香又脆
🍊 真池魚
真池魚嘅肉質晶瑩剔透，食落魚味偏重，配上蔥同薑蓉作點綴，可以突出到魚肉嘅鮮甜
🍊 馬糞海膽
馬糞海膽入口即溶，一放入口充滿海水嘅鹹鮮，但底蘊嘅味道卻十分甘甜，食完後嘅口腔充滿濃郁嘅鮮味
🍊 腦天
腦天係吞拿魚頭頂嘅肉，一條吞拿魚只有兩片，食落口感軟滑，筋少而脂肪多，炙燒後魚油充斥係口腔入面，魚味十分濃郁，配上燒香過嘅京葱，感覺唔算太油膩
🍊 甜蝦
呢份甜蝦嘅特別之處係個調味，甜蝦本身鮮甜爽口，加上餐廳透過炒蝦頭同蝦殼等工序特製而成嘅蝦油同蝦汁豉油，配埋粒粒蝦籽，濃郁嘅蝦味令到成件甜蝦嘅鮮味升華到另一個層次
🍊 赤身吞拿魚
臨近尾聲上左一道赤身吞拿魚，味道偏濃，口感厚身，條理分明，充滿色澤
🍊 炙燒右口魚邊
右口魚邊一向係我嘅最愛，魚群邊口感肥美，炙燒過後嘅魚油甘香撲鼻，入口即溶，師傅話右口魚係夏天盛產，左口魚係冬天盛產，而右口魚比左口魚嘅味道更加甘香
🍊 瑩光魷魚
有別於平時嘅做法，師傅無將螢光魷魚製成漬物或前菜，亦都無炙燒完先放上壽司飯，反而係比較少見地將原隻螢光魷魚製成壽司，令到魷魚仍然保持晶瑩剔透，咬落去充滿水份，食落係最濃味，配左薑蔥唔算太腥
🍊 蝦油素麵
素麵嘅份量唔多，一兩啖就食完，重點在於個湯底係用餐廳特製嘅蝦油做調味，令到嗰兩啖素面都可以充滿着濃郁嘅蝦味
🍊 柚子雪葩
食完14件壽司之後，食埋呢一杯柚子雪葩就完美啦！雪葩口感輕盈，柚子味清甜解膩
📍灣仔廈門街1號廣泰樓地下C2A號舖
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
Post
