Video
Read full review
2023-07-25
67 views
今日本身要去火炭工廠區探朋友，問起朋友附近有咩好食，朋友都話附近好多工廠食堂，味道都唔錯，但就唔算太好坐，我哋行行吓見到一間Cafe，個門口裝飾得幾有心機，落地玻璃窗貼滿左咖啡嘅貼紙，可能都未到晚餐時段，唔算太多人，我哋就入咗去坐。一坐入去，發現天花上邊都有啲閃閃嘅吊飾，雖然店面唔係好大，但係坐落去又唔覺得好迫。望望餐牌發覺都有好多選擇，我哋最後選咗一個石燒套餐嘅芝士焗龍蝦牛肩扒，同埋威靈頓牛柳。佢成個套餐都幾抵，可以選擇任食凱撒沙律或者黑松露薯條，我哋就一人各叫咗一份。凱撒沙律生菜新鮮，醬汁足夠均勻，黑松露薯條更加唔使講，炸出嚟仲係香脆熱辣辣，而且我好鍾意佢個黑松露醬汁，唔係只係一般嘅沙律醬，而係真係有黑松露香味嘅醬，我覺得有時一間餐廳有冇心，其實係喺呢啲細節裏面會睇得到，感覺呢間小店都係有心機嘅小店雖然佢可以任食薯條同沙律，但係個套餐嘅主食實在太豐富，所以我哋都完全冇再追加沙律同薯條。個套餐本身有龍蝦湯包埋，我哋其中一個轉咗做酥皮龍蝦湯，個湯味道唔錯，唔會好似街邊龍蝦湯咁樣只係死鹹，都係足料，而且入邊仲食到少少蝦肉喺石燒套餐上嚟之前，店員都貼心地送咗一套食蝦同切牛嘅工具俾我哋，盤上
朋友都話附近好多工廠食堂，味道都唔錯，但就唔算太好坐，
我哋行行吓見到一間Cafe，個門口裝飾得幾有心機，
落地玻璃窗貼滿左咖啡嘅貼紙，可能都未到晚餐時段，
唔算太多人，我哋就入咗去坐。
一坐入去，發現天花上邊都有啲閃閃嘅吊飾，雖然店面唔係好大，
但係坐落去又唔覺得好迫。望望餐牌發覺都有好多選擇，
我哋最後選咗一個石燒套餐嘅芝士焗龍蝦牛肩扒，同埋威靈頓牛柳。
佢成個套餐都幾抵，可以選擇任食凱撒沙律或者黑松露薯條，
我哋就一人各叫咗一份。
凱撒沙律生菜新鮮，醬汁足夠均勻，
凱撒沙律
20 views
0 likes
0 comments
黑松露薯條更加唔使講，炸出嚟仲係香脆熱辣辣，
黑松露薯條
27 views
0 likes
0 comments
而且我好鍾意佢個黑松露醬汁，唔係只係一般嘅沙律醬，
而係真係有黑松露香味嘅醬，我覺得有時一間餐廳有冇心，
其實係喺呢啲細節裏面會睇得到，感覺呢間小店都係有心機嘅小店
雖然佢可以任食薯條同沙律，
但係個套餐嘅主食實在太豐富，所以我哋都完全冇再追加沙律同薯條。
個套餐本身有龍蝦湯包埋，我哋其中一個轉咗做酥皮龍蝦湯，
個湯味道唔錯，唔會好似街邊龍蝦湯咁樣只係死鹹，
都係足料，而且入邊仲食到少少蝦肉
酥皮龍蝦湯
4 views
0 likes
0 comments
喺石燒套餐上嚟之前，店員都貼心地送咗一套食蝦同切牛嘅工具俾我哋，
盤上面仲有擋油嘅紙圍巾（石版一上嚟我哋就發覺究竟呢一張圍巾有幾重要！）
食石板燒有時最怕係塊石板唔夠熱，或者食咗一陣已經開始凍，
石燒龍蝦、牛肩扒
2 views
0 likes
0 comments
但係呢塊石板真係熱足全程，佢一想來我哋都有啲嚇親，
但係呢塊石板真係熱足全程，而且聽到「滋滋滋」咁燒，
一路聞到牛嘅香味一直湧上來，
佢一上菜時我哋都有啲嚇親，因為除咗有原隻龍蝦之外，
底下嘅牛肩扒份量都唔少。
2 views
0 likes
0 comments
我哋食石燒牛肩扒，最怕佢上嘅時候，塊肉已經熟晒，
雖然呢塊石板溫度好高，但係塊塊牛肩扒仍然能夠保持大概兩至三成熟，
入邊嘅肉望落去仲係粉紅色，非常滑嫩。
店員另外有上燒汁，牛亦都輕輕用鹽同胡椒調咗味。
芝士焗龍蝦都係有龍蝦嘅鮮香味，
雖然佢隻龍蝦唔算好大隻，但係配上咁大塊牛肩扒，
其實成個主食都已經好飽肚。
1 views
0 likes
0 comments
然後就到我嘅威靈頓牛柳，其實我本身有少少擔心喺出邊嘅餐廳食威靈頓牛柳，
一來有太多唔好嘅經驗，例如收得好貴，
但一切開就發現入邊嘅牛係熟晒，然後一切嘅時候就成舊散晒。
威靈頓牛柳
9 views
0 likes
0 comments
呢個威靈頓牛柳大概$200左右，
呢個size係非常合理，加上威靈頓牛柳其實食落係會幾滯，
一個人都食唔到咁多。
切開嘅時候，佢不單止冇散開，入邊嘅肉望落去仲係粉紅色，
外邊嘅酥皮係焗得酥脆，我未食已經覺得要做到咁都唔容易，
一放落口，味道幾好，而且啲酥皮有一種焦香嘅味道，
入面嘅牛嫩滑有牛香，多汁香軟。
威靈頓牛柳
14 views
0 likes
0 comments
好開心可以喺小店裏邊食到唔錯嘅威靈頓牛柳，
隔離仲有甜薯蓉，一直食威靈頓牛柳不免會覺得有少少漏，
配埋呢個甜薯蓉就好balance，個薯蓉有牛奶嘅滑香，
食落口好舒服，而且同威靈頓牛柳配搭得啱啱好。
食到呢度我已經好滿足，冇諗過喺火炭工廠區都會有咁好食嘅晚餐，
我估佢哋午餐時間都好旺場，
最後我哋仲食咗兩個Movenpick嘅雪糕，以甜點作結。
MOVENPICK 雪糕
2 views
0 likes
0 comments
Post
