Yadllie Plate Express 야들리애플래이트 (Closed)

我和朋友好鐘意食旺角店Yadllie Plate ，意外發現Yadllie 係火炭開了外賣店，新界人有福了，唔駛出到去咁遠食，近近地就嘆到Yadllie既食物。落單好方便，無接觸訂購外賣自取，只需係openrice 落單，落完單再付款，之後去到位於火炭的Yadllie Plate Express 門口拎外賣就得啦，而且非常準時，一去到就可以拎啦，拎既時候仲要係勁熱辣辣。二人套餐有紫菜飯卷、無骨炸雞、2款小食、沙律、泡菜豆腐湯蜜咪芝士炸雞我地簡左無骨炸雞，啖啖肉，不會炸到好乾，口感Juicy，而且每舊雞都好嫩滑，外賣都保持到水準。牛肉紫菜飯卷有8件，大大件，入面有牛肉、青瓜、蘿蔔絲，飯卷包得好好，唔會一夾就散晒。辣魷魚&中華沙律辣魷魚份量都幾多，辣得好惹味。鮮蝦沙律有5隻大蝦和半隻流心蛋，大蝦爽口彈牙，沙律菜新鮮，配上柚子醋，清新又開胃。泡菜豆腐湯好大碗，入面好足料，有芽菜、豆腐、金菇、冬菇、大蔥，味道夠辣，我地最後飲完以碗湯，已經勁飽。