羊鞍餐廳

Open Now

Now Closed

好耐冇去過九龍城，今晚就約咗個好耐冇見嘅朋友去九龍城食懷舊鐵板餐。大家都鍾意食羊，而呢一個餐牌就有個好厲害嘅火焰羊架鐵板餐，就叫返一個火焰一下。三件羊架，肉汁豐富，點薄荷啫喱更帶出特別清新嘅感覺。另一個晚餐就點咗忌廉汁蜜桃燴意大利飯配香煎鵝肝。主角鵝肝細膩濃郁嘅嫩滑口感同迷人的香氣，令人無法抗拒。而多片蜜桃嘅清新同鵝肝帶出對比豐富嘅口感。最後就叫咗個藍莓芝士蛋糕，芝士蛋糕比較結實，厚厚一層藍莓果醬帶出蛋糕香。而鐵板餐本身有一個啫喱杯作為甜品，非常有懷舊嘅感覺。