Video
Read full review
2017-09-01
809 views
對上一次食米走雞係一年前，今次同班朋友聚會，呢度地方舒適傾計好地方。對上一次食火焰麻辣雞煲，但已經唔記得咩味道，今次九個人，叫左黃金芝士，火焰麻辣(微辣)各一大Size。🧀黃金芝士(大) $198大量紫洋蔥同芝士碎，嘩～實在太多芝士，極度邪惡😱。雞肉算嫩滑。份量都幾大，每人食到幾件，芝士真係有點漏，好快就有飽飽地既感覺。🔥火焰麻辣(大) $188上枱時店員會炒起d雞，帶有藍色火焰，相比芝士我較鐘意火焰麻辣，雞肉一樣嫩滑、厚肉，醬汁夠惹味，微辣都有麻辣嘅感覺。特別係洋蔥索哂d辣汁，夠哂惹味～🐔食哂個雞煲d雞，侍應就會主動加湯，有芝士湯、清湯、麻辣湯，最後兩個煲都加左清湯。🍴🐂手切新鮮牛頸脊(大) $298紋理細緻，顏色比雪花牛深，肉較厚，牛味濃。🍴🐂特級雪花肥牛(大) $148雪花紋理細緻，嫩滑，味道甘香，相比牛頸脊更喜歡雪花牛。🍴🐖西班牙黑豚肉 $188肉質嫩滑，一向唔太好豬既我都覺得好食。🍴虎蝦 $98好大隻，超彈牙。🍴美國桶蠔 $148蠔肥大肉厚，食落新鮮。🍴牛柏葉 $38大大份，好爽好食。🍴蜂巢冰豆腐 $40索哂d芝士湯，邪惡好味。🍴鮮炸響鈴 $48放入湯一陣，外層沾滿湯料，
對上一次食火焰麻辣雞煲，但已經唔記得咩味道，今次九個人，叫左黃金芝士，火焰麻辣(微辣)各一大Size。
🧀黃金芝士(大) $198
大量紫洋蔥同芝士碎，嘩～實在太多芝士，極度邪惡😱。雞肉算嫩滑。份量都幾大，每人食到幾件，芝士真係有點漏，好快就有飽飽地既感覺。
🔥火焰麻辣(大) $188
上枱時店員會炒起d雞，帶有藍色火焰，相比芝士我較鐘意火焰麻辣，雞肉一樣嫩滑、厚肉，醬汁夠惹味，微辣都有麻辣嘅感覺。特別係洋蔥索哂d辣汁，夠哂惹味～
🐔食哂個雞煲d雞，侍應就會主動加湯，有芝士湯、清湯、麻辣湯，最後兩個煲都加左清湯。
🍴🐂手切新鮮牛頸脊(大) $298
紋理細緻，顏色比雪花牛深，肉較厚，牛味濃。
手切新鮮牛頸脊(大)
23 views
0 likes
0 comments
🍴🐂特級雪花肥牛(大) $148
雪花紋理細緻，嫩滑，味道甘香，相比牛頸脊更喜歡雪花牛。
特級雪花肥牛(大)
22 views
0 likes
0 comments
🍴🐖西班牙黑豚肉 $188
肉質嫩滑，一向唔太好豬既我都覺得好食。
🍴虎蝦 $98
好大隻，超彈牙。
🍴美國桶蠔 $148
蠔肥大肉厚，食落新鮮。
🍴牛柏葉 $38
大大份，好爽好食。
🍴蜂巢冰豆腐 $40
索哂d芝士湯，邪惡好味。
🍴鮮炸響鈴 $48
放入湯一陣，外層沾滿湯料，外霖內鬆脆，必食。
🍴脆鯇片 $58
魚片顏色光鮮，口感爽脆，但小心有細骨。
🍴手打五寶拼盤 $88
有墨丸、蝦丸、鯪魚丸、豬肉丸、牛丸一客10粒，每粒都飽滿實在，烚完食落好彈牙，保證真材實料。
🍴鮮制四拼餃 $88
有雲吞、水餃、韭菜餃、牛肉餃一客8粒。夠哂大大粒，整體皮薄得黎，餡料夠新鮮。
🍴雜菇拼盤 $42
包括金菇、鷄肶菇、鮮冬菇、秀珍菇等，可以一次過滿足鍾意食菇既人。
🍴翡翠苗、生菜、娃娃菜、油麥菜，各半分 $22x4
食完甘多肉同邪惡野。又點可以唔食菜呢，翠綠新鮮，好快成兜菜就清哂。
🍹🥃最後野飲方面每人一支鳥龍茶，另外仲有奶茶、檸七、檸樂...
整體食物新鮮，每人都飽飽離場🤘🏻～
Post
