蚊蚊豬老火鍋 (Closed)

入秋開始有d涼，係時候出動打邊爐啦，今晚我地一家約埋去深水埗既蚊蚊豬老火鍋試試。呢間係放題任飲任食，出面有個凍櫃有好多飲品，茶類飲品打邊爐飲几解渴👍前菜食左麻辣皮蛋，個麻辣汁好惹味。嗌左個麻辣魚煱，一大條鱸魚炸過，再落煱用麻辣湯煮，入哂味，條魚皮脆肉有肉汁。食哂條魚，用返個湯淥牛肉食。極上牛肩嫩肉油脂分布好靚，口感好滑好香。其他牛肉都好好食。另外仲有各款雪糕，豆腐雪糕幾好味，乳酪我都几仲意食呢！