火間土 (Closed)

慶祝周年紀念，諗食乜都諗到頭都大埋，結果都係食日本野穩穩陣陣。聽人講火間土有特色卡位屈膝盤坐，好想一試！我星期三食飯，星期二先決定到去火間土食。打去訂台，已經比人訂曬房仔，只可以坐大廳。唔緊要，食飯先係重點。值得一提既係，接電話個經理係識識地中文的，不過都係講番英文穩陣，事關我用中文講我電話號碼，都要重覆左三四次，最後用英文先聽得掂。火間土，made in Japan。個TABLE SETTING同香港普通日本餐廳比零舍有FEEL。禮貌問題，無影到坐位。但個大廳(LOBBY)比我想像中擠逼，我張台比WINDOW SIDE果張台同埋近牆果邊既台夾係中間。侍應行過都會好小心奕奕，可想而知坐係大廳都係比較逼。第一個黎既係三色飯。飯比較黏身，三種刺身都非常新鮮，特別係海膽。第二味係燒明太子。本人十分喜歡明太子意粉，未試過燒明太子係點，所以試驗性質叫黎試試。結果就........麻麻地。唔知道係調味定佢本身燒既味定點，我覺得咸左少少。和牛還算OK薄餅即叫即整，海鮮料唔算食但新解，98蚊都叫抵食。軟殼蟹卷都好食，炸得好脆食完飯點可以無甜品。綜觀佢賣既咁多樣甜品，價錢由35至50不等。雪糕類比較多。