北海道爐端燒 (Closed)

同事生咗BB之後，我哋好耐都冇放工之後出來食嘢傾下計，現在佢個B.B. 大個咗啲，情況穩定下來，我哋終於可以一齊收工出去食餐好。日本嘢係我哋最愛，上三樓來到呢間掛燈籠🏮，充滿日本風情的爐端燒。先食個default 咗的蕃茄沙律，每片都切到超簿，好好刀功喎⋯⋯炸八爪魚好香口，外面少少酥脆，八爪魚粒好煙韌彈牙。叫咗一啲串燒開下胃，牛舌係好香的、幾爽口。個蘆筍豚肉串我好欣賞，簿簿的一層豚肉燒得香香的，脂肪又被高温迫了出來，捲着爽脆的蘆筍，原來都幾襯。燒牛仔骨係我指定要點的！明太子燒玉子係喜出望外的美味，俾我想像中好食好多，又甜又滑的遲到中，原來蘊含着豐富嘅明太子，明太子味重，而且帶點辣，兩者互相衝擊，其實幾惹味。原來壽司都唔錯，可惜三文魚片切斷了少少期待已久嘅燒廣島牡蠣終於出現！好香呀！蠔肉好滑溜。