Video
Read full review
2014-10-31
5493 views
媽咪喜歡食拉麵，有機會都會帶佢四圍試新店！呢間小麵店得10個位，位置都幾僻，不在大街，近街市一條橫街，門口行人路又窄，之前帶肥髀食過一次，媽咪就未試過！今日唔使帶住兩隻馬騮先去食！真係無可能企响度排隊等位！（行人路好窄）今日我閒日放假，又得兩母女，趁未到午餐時段，快速到達，店內只有四個客，店員安排我們坐吧枱間隔位，我見店內一張四人枱無人坐！問可唔可以坐，佢答我一句「多助」繼續指向單人位！（之後佢有用本地話答我其他問題！）單人位真係好窄！基本上我唔大隻都唔夠伸開對手！成日撞到手肘，同媽咪又隔住塊板，我兩袋嘢都唔知放邊好！店員提醒我枱底有個勾可以掛袋（因為我攬住個手袋）但我個位剛好係出菜位，每次出麵都要在我頭頂傳出來！左閃右避店員隻手！不過但又可以清楚見到廚房內廚師煮麵，見每一碗麵淥完，廚師都要出盡力去fing甩啲水！日本人餐廳，有佢嘅堅持！好認真！先來：魂拉麵：媽咪食，佢話湯好濃，好好味！佢清晒！太極拉麵：上枱個賣相好靚，一邊黑一邊白，中間淡粉紅色叉燒中間再有一小堆蟹羔，蟹羔頂係差啲睇唔到嘅金萡，黃金色流心雞蛋，粉紅色圈圈魚蛋，仲有青色嘅蔥，賞心悅目！我無將蟹羔撈落湯，反而配一啖麵食咗，
不過但又可以清楚見到廚房內廚師煮麵，見每一碗麵淥完，廚師都要出盡力去fing甩啲水！日本人餐廳，有佢嘅堅持！好認真！先來：
魂拉麵：媽咪食，佢話湯好濃，好好味！佢清晒！
太極拉麵：上枱個賣相好靚，一邊黑一邊白，中間淡粉紅色叉燒中間再有一小堆蟹羔，蟹羔頂係差啲睇唔到嘅金萡，黃金色流心雞蛋，粉紅色圈圈魚蛋，仲有青色嘅蔥，賞心悅目！我無將蟹羔撈落湯，反而配一啖麵食咗，滿口都係蟹羔濃濃嘅味道，凍凍地，同平時熱食蟹羔唔同風味！叉燒一片，半肥瘦，淋身唔嚡，半熟雞蛋係我食過最滑，蛋白剛剛熟嘅狀態，中間流心蛋黃，好滑！麵質粗身有咬口！撈埋所有嘢！個湯即刻灰灰黑黑！湯底夠熱！墨汁可以增鮮，其實係唔出味，主要都係豬骨湯底，油脂夠，好漿口！成碗麵食晒都仲係熱的！
日本人拉麵好專一做好一件事，唔會心多！呢度連煎餃都無，可以專心食麵！枱面連調味料都無，可能要我嗒真廚師嘅手藝！小店只有三人，廚房兩個，企堂一個！午餐時間出面有人龍！而且午市拉麵只有三款，原味、墨汁同辣味！大家快速點菜，都係20分鐘攪掂！有機會會晚市來試個青龍！睇下有幾特別！
Post
