堅韓牛韓燒放題 (Closed)

之前食過 level 2 既 A4和牛 非常滿意，所以強烈推介今次同我老婆一齊去食。投訴1：只有A5和牛不能用手機落單，每次都要叫職員落單。職員忙，食物上枱慢。投訴2：第一碟上枱嘅 A5和牛 都覺得有啲問題，咁啱隔離枱都係同我哋一樣點 A5和牛，肉質鮮紅，切割成塊狀，同我果碟產生強烈對比，我嗰碟係啡色加碎肉仲要乸埋一注根本好難燒。我已經唔係投訴，只係叫職員睇下隔離枱嗰碟同我嗰啲既分別。投訴3：係第一碟肉之後，黎嘅第二碟 A5和牛保持同樣質素，啡色再加碎肉，無浪費，兩碟我都燒咗嚟食，之後第三碟同埋第四碟都比較正常，但係已經食飽咗。總結：都係俾兩碟正常既A5和牛我，甘不如頭兩碟係正常，食飽咗之後最後兩碟啡色再加碎肉我可能都冇乜所謂，非常愚蠢嘅安排，果餐係一早預訂嘅生日飯，食材方面應該一早準備好了。希望貴餐廳能夠重視這次的投訴，從中吸取教訓，提高肉類品質，讓更多的食客能夠享受到美味的餐飲體驗。